Teri Khood तेरी खुद
तेरी खुद लेगी हो मायादार
चौमास की रूण-झुँण मा
बरखा की मयाली भौण मा
बसग्याल मेरी आँखियों तेरी खुद मा
तेरी खुद.............................रूण-झुँण मा।
जिकुड़ी जलेंणि मेरी आँखि रोंणि (सुखणी)
कन के बिंगौंउ कन के लुकोउ
आग जु लगी मेरा हिया मा।
तेरी खुद.............................रूण-झुँण मा।
तेरा माथे बिंदुली , तेरी आँखियों सुरमा
तेरा होंठलियों लाली तेरी लटूलियों गजरा।
तेरी वा मयाली भोंण बसी जु हिया मा।
तेरी खुद.............................रूण-झुँण मा।
चूड़ियों की खनखन तेरी पैजियों की छनछन
छबिलो पैरवार तेरु सु सजीलो श्रृंगार
जन्म जन्मों कु रमिगे मेरा ख़यालों मा ।
तेरी खुद.............................रूण-झुँण मा।
माया की तेरी मिट्ठी छं वी मिठू तेरु बच्याणु
बातु-बातु मा तेरु रूसाणु खिल केरी हैंसी जाणु
बीतीं स्या प्यारी मुलाकात रेगी समलोंन मा।
तेरी खुद.............................रूण-झुँण मा।
आज भी जग्वालि माया का तेरा छोड़िया वें बाटा
तु रमिगे दुनियां मा अपणी मैं बौल्या तेरी माया मा
जुग रे जुगराजी रे मेरी गेल्या अपणा संसार मा ।
तेरी खुद.............................रूण-झुँण मा।
बरखा की.........................तेरी खुद मा। ।।
८-९-२०१८
©®@ बाडुली
टिप्पणियाँ
एक टिप्पणी भेजें