आँखियों मा तू बसी च रे
आँखियों मा तु बसी चा रे साँसों मा तु रमी छे रे
सुपिणीयों तें दिल मा बसे जा रे जिंदगी ते माया का रंगों से सजे जा रे
पंछी बणी द्वी उड़ी जोला मेरु हाथ थामी जा रे।
एजा रे ऐजा रे...........ऐजा रे
या दुनिया मतलब की कैसणि रास नी आंदि
स्वाणी स्या मुखुड़ी तेरी जिणे आस बधान्दि
द्वि बचन प्रेम का मिथे बिंगायी जा रे।
होंदु जु में विधाता त्वे अपणा भाग लिखान्दु
मांग भरी मोतियोंन तेरी डोली अपणा घर ले आन्दु / घर सजान्दु
खुद मा घुटी - घुटी जिणों छौं तेरी छमौटोन मितैं माया पिलेयी जा रे ।
ऋतु बोडी ऐ जान्दी मन्खी बोडी नी आन्दा
प्रीत यखी रे जान्दी मायादार अमर हवे जान्दा
जिणों छु वर्षों बटीन याद मा तेरी मिलणकु बाटु बते जा रे
यादों मा तेरी दिन मेरा कटेणा
राती राति भर सुपिन्या तेरा ओणा
अब नि रयैणु तेरा बिगर गौला भिटेकी संग अपणा ली जा से
ऐजा रें..
ऐजा रे ...
www.baaduli.blogspot.in
© Save
@baaduli_blog
#miss_u
10-03-2017
टिप्पणियाँ
एक टिप्पणी भेजें